14.juli, Naivasha

Dag 3 i Nairobi.

Natta i Nakuru var kald, men vi sov i alle fall litt. Når vi stod opp pakka vi ned leiren og åt frokost før vi satte oss i trucken. Vi bytta på å sete framme og bake, då det var mykje meir humpete bakerst i bussen.

Neste stopp var no Naivasha. Her skulle vi telte ved sidan av ein innsjø. Når vi kom fram sette Veronica opp teltet, medan eg var med og laga lunsj. Det var pastasalat i dag! Nam

Etter lunsj fekk vi velje om vi ville reise på båtsafari og sjå flodhestar og fuglar, eller gåsafari å sjå mange andre dyr. Heile gruppa valte gåsafari. Oss blei plukka opp av to bilar med plass til 15 stk i kvar bil. Det var varmt, trangt og støvete.

Vi køyrde i ca ein halv time og plutseleg såg vi to giraffar som stod og åt like framom oss. Vi gjekk ut av bilen og tok bileter. Vidare så gjekk vi forbi giraffane og lenger inn i skogen. Der såg vi mange fleire giraffar. Etter kvart som vi gjekk såg vi fleire dyr, deriblant: sebra, gnu, bøffel, aper (en eg ikkje kan namnet på og ein colobusape), dickdick (den minste antilopa), elan (største antilopa), vannbukk, villsvin, impala (en type antilope) og diverse fuglar.

Vi var på ca 10 meters avstand til alle dyra.

Det var eigentleg ikkje meininga at vi skulle sjå bøffel på så nært hald, sidan dei er farlege. Derfor snudde vi og gjekk i ei anna retning når dei kom.

Tilbake i leiren fekk vi servert papayasuppe og noko kenyansk ris og kjøttmat. Gode greier :) etter middag tente vi eit bål som vi sat og prata
rundt. Der fekk vi vite at flodhestane beita på land om natta. Og det berre 10 meter frå der vi skulle sove i telt! Det var eit straumgjerde imellom, men guiden vår, Masivu, sa at det ikkje ville stoppe den.

Flodhesten er eit av dyra i Afrika som drep flest menneske, så dette var litt skummelt!

Rett etter at vi hadde hengt opp myggnettingen og lagt oss i posen høyrde vi Ben frå Nottingham rope på oss. Det var ein flodhest på land!! Vi skunda oss ut av teltet og gjekk raskt ned til straumgjerdet, og der var den. Den var verkeleg stor! Det var også ein til på land litt lengre borte og litt fleire i vatnet. (Bileta av oss nede med det fine vatnet er der flodhestane beita om natta)

Mange inntrykk, men ein veldig bra dag!

Veronica & Ane

13.juli del 2

Dag 2 i Nairobi - del 2!

Etter at leiren var rigga og lunsjen fortært lasta oss inn i trucken for å køyre safari rundt Lake Nakuru. På safarien fekk vi sjå bavian, giraff, sebra, nasehorn, flamingo, bøffel, gaselle, andre type antilope, forskjellige aper og fuglar.

Noko vi ikkje visste frå før er at antilope berre er ein samlebetegnelse på dei forskjellige "hjortedyra". Det er med andre ord ikkje ein type antilope, men veldig mange.

På den eine plassen vi stoppa for dopause og utsikt hende det noko morosamt. Det var mange bavianar der, og plutseleg kom ein av dei inn i bussen. Det var berre to stk att i bussen, men eg trur dei fekk seg eit sjokk. Bavianen stal bananane våre før han sprang ut igjen.

På det eine biletet kan dokke sjå ein bavian med munnen full av banan.

Veronica & Ane

13.juli

Jambo!

Fortsetter med bilete og tekst frå dag 2 i Nairobi.

Vi starta tidleg med frokost kl 0600. Så var det informasjon om safarien før avreise kl 0730.

Reisefølget vårt bestod av 20 kjekke menneske, der fire var norske, to danske, ti britiske og fire canadiske. I tillegg hadde vi ein sjåfør, Joel, og ein guide, Masivu. Vi reiste med ein buss, som ikkje var ein buss men ein truck. Den heitte Pomba.

Vegane i Kenya er ikkje spesielt gode. Spesielt ikkje der vi køyrde. Det var veldig humpete og vi fekk gratis afrikansk masasje som dei kalte det. Vi blei raskt vandt med humpinga, som eigentleg var ganske søvndyssande.

Etter fire timar køyring var vi framme ved Nakuru. Her skulle vi slå leir for dagen og natta. Vi skulle bu i tomannstelt, noko som var veldig greit. Alle deltakarane hadde i tillegg kvar sine dagar som oppvaskhjelp, kjøkkenhjelp, pakkehjelp og rydding av trucken/leirområdet osv. Vi laga altså all maten vår sjølv.

Det var utedo og utedusj med kaldt vatn. Så sanitærforholda var og greie. Likevel venta vi ein dag med å dusje med håp om varmt vatn ved neste leirplass.

Etter lunsj reiste vi ut på safari, det kjem i neste innlegg!

Veronica & Ane

12.juli

Hallo alle sammen!

Her kjem en update frå dag 1 i Nairobi.

Oss landa ca kl 0230, lokal tid. Dvs at oss e en time framom Norge. Oss fekk søve ett par tima før oss måtte stå opp og møte "sjefen", en som kunne gi oss litt informasjon om dagen og safarien oss skulle på.

Han foreslo at oss skulle reise til en plass dei tok vare på babygiraffa og en plass dei passa på babyelefanta. Dissa dyra hadde ikkje foreldre og blei sendt ut i villmarka når dei kunne ta vare på sej sjøl.

Oss fekk mate dei og ej (Ane) fekk kysse en!

So va oss på et kulturelt show der dei viste fram forskjellige stammedansa og musikk. Veldig bra show!

Til slutt åt oss middag på en restaurant som heite Carnavar. Der fekk oss servert alt mulig slags kjøtt. Nokke ta det meir spesielle oss prøvde va krokodille, struts og australsk biff.

Fleire oppdateringa kjøm i løpet av dagen, visst internetten e med oss.

Ane & Veronica

Klar for reise!

Nairobi

Hei!

Det er for dårleg internett, så vi får ikkje legge inn bilete:(

Kort fortalt har vi vore å klappa giraffar i dag, og Ane har til og med kyssa ein!! Så har vi sett elefantar og klappa dei.
Vi har også vore å sett på kulturell dans med sang, som var heilt fantstisk!

vi dov 3 timar forrige natt, så no legg vi oss. I morgon er det opp 0700 for å fare på safari. då blir det ikkjr blogging på ei vike.

dårleg skriving pga dårleg tid.

vi har det tipptoppø

blir glad for kommentarar;)

woopwoop

Hei og Hopp!


No sit vi leiligheta til Ane og Geir Rune(kjærasten til Ane). Eg kom til dekka bord med lasagne, salat og kvitlauksbaguettar. Ikkje noko tull her i gården!

Ellers har vi pakka om dei stappfulle sekkane våra og gått litt fram og tilbake! Vegde sekken min utan lillsekken tidlegare i dag, og den vog 15kg!!

Må legge til at Geir Rune har diska opp med smågodt, melon, brownies og alkoholfri strawberry daquiry siste kvelden vår heime på ei stund;)

Vi reiser i morgon, 11.juli 1220 frå Gardermoen, mellomlandar i Istanbul, og skal vere framme i Nairobi(Kenya) 0225 på natta!

I dag blei det ingen bilete sidan nettet er for treigt!

17. mai

FOR EIN FIN 17.MAI !!!

Eg inviterte mine beste venninder til Champagnefrukost/17.mai-frukost, men på grunn av eksamenstid var det fleire som ikkje kunne kome. Men eg, Frode, Ane og Sigrid kosa oss likevel :)

Sigrid hadde med spekemat og Ane hadde laga oreokake :)

Dette er ofte den einaste dagen i året eg får brukt bunaden om det ikkje er konfirmasjonar, så då er det veldig viktig å få bruke den. Men mamma og pappa er i Tyrkia, og bunadssølvet mitt var i safen... IIIIiiiik....Der kom ikkje eg meg inn.

Eg kom heldigvis på at Ane skulle ha på seg militær-uniform for ho skulle halde tale, og heldigvis fekk eg låne bunadssølvet hennar! Takk til Ane!

Kake og rosèvin til frukost ;)

Vi hang oss på toget frå vegen, der vi møtte Solveig og Karoline :)

Bilete til venstre er tatt i toget, mens bilete til høgre er vi inne på Kvileheimen.

Karoline, meg, Sigrid, Solveig, Torbjørn og Eli.

 

 På skulen var det leikar inspirert av vinn på minuttet.

Vi klarte alt utanom då Sigrid skulle kaste papirfly i ei bøtte ;) hihi..

 

Sigrid, Eli og Even

Her sit vi inne for å sjå årets 17.mai program.

Meg og Frode :)

Her fekk eg så vidt knipsa av nokon av bilane som for forbi under 17.mai cruisinga :)