27. Juli - Koh Phangan

Vi hadde bestemt oss for å ete frokost på ein kafé i dag og gjorde som planlagt. Vi bestilte omelett. Kort tid etter at vi fekk maten kom biene. Som dei fleste kanskje har fått med seg har eg (Ane) rimelig stor fobi for bier/kveps/humler osv. Eg sette dermed i gang med å gafle i meg maten fortast muleg. Ikkje noko nyting av frokosten i dag med andre ord. Veronica måtte og skunde seg for å halde følge. Vi betalte deretter raskt og gjekk.

Etter den raske frokosten gjekk vi og bestilte båtbillettar til Koh Phangan. Ein taxi skulle hente oss på hotellet og køyre oss til piren der båten skulle gå frå.

Vi sette oss i taxien og han kjørte oss til piren. Der tok vi sekkane våre og gjekk til billettluka med billettane. Dei såg rart på oss og sa at vi skulle til ein anna pir. Typisk!

Då var det å finne ein ny taxi, prute ned prisen til noko brukbart og komme seg til neste pir. Det gjekk heldigvis fint og båtturen var bra.

Vel framme på Koh Phangan tok vi taxi til hotellet og pakka ut på rommet før vi åt lunsj og gjekk ein tur på stranda. På kvelden åt vi middag på hotellet og gjekk til ein anna bar på stranda. Der spelte vi fire på rad mot bartenderen før vi tusla tilbake til hotellet for å legge oss!

Veronica & Ane